Wil jy graag deel word van ‘n kleingroep in die Mosaiek community? Kleingroepe is ruimtes om Jesus te volg saam met ander. ‘n Beweging van isolasie na community.   Soos ons die lewe intensioneel deel, tree ons op as spieëls vir mekaar. Ons leer onsself beter ken en hoe die mooi en skadu-kant te omarm. Kleingroepe loop saam, leer saam en het saam lief. Groepe word saam stil om ‘n Skrifgedeelte, ontwikkel hulle verbeelding om daarin te leef, en deel hulle journey met God.

Mosaiek kleingroepe kom weekliks bymekaar in huise regoor die die groter Johannesburg omgewing. Elke kleingroep verskil in samestelling, lewensfase en werkswyse. Kleingroep-lewe strek van die bestudering van die Skrif, gebed, boeke lees, ander dien, ondersteun, saam ontspan en ‘n ete deel - elkeen is uniek tot die groep. Ons help jou graag om ‘n geskikte groep te vind. Kontak gerus Jacques Bornman jacquesb@mosaiek.com of 011 268 4708

• Indien jy die leier of fasiliteerder is van ‘n groep in Mosaiek, stuur gerus ‘n epos aan jacquesb@mosaiek.com en versoek ‘n uitnodiging na ons sosiale netwerk.

Bestaande Kleingroepe van Mosaïek

Indien jy graag by 'n bestaande kleingroep wil inskakel, klik gerus op jou toepaslike lewensfase hieronder vir meer inligting:

• Dames
• Jong Gesinne
• Jong Getroudes
• Jong Volwassenes
• Ouer Gesinne
• Seniors

Kleingroepe fokus op die gedeelte lewe in Christus. Lede ondersteun mekaar deur gebed, deel hulle journey saam met God deur die lewe, en die praktiese leef van Skrifgedeeltes. Groepe kan ook saam uitreik.

Die geestelike reis is ’n avontuur – waar ons ontdek wie ons in God is, en hoe om ’n lewensritme te ontwikkel as Sy geliefdes. Die reis is na binne, na mekaar en buite. Die reistog is egter nie een vir alleen-stap nie. Dit is bedoel om gedeel te word – in community met ander.  Om ons lewe met ander in gemeenskap te deel, is ‘n onmisbare aspek van ons spiritualiteit. Die vraag is: “Waar vind ek ’n groep mense saam wie ek kan groei in my verhouding met God, in liefdevolle verhoudings met mekaar, en die wêreld?”