Voorbladteks

Dis 'n momentele seisoen in die lewe van die gemeente: Lydenstyd.

Hierdie 40 dae voor Paasfees (Sondae uitgesluit) nooi ons jou uit om saam met ons te journey om ons harte voor te berei vir Heilige Week, wat kulmineer in OpstandingSondag. Hierdie eeue-oue praktyk in Kerk, het te doen met afsondering, opoffering en empatie met hulle wat minder-bevoorreg is as ons.

Vanaf AsWoensdag (17 Februarie 2010) tot OpstandingSondag (4 April 2010), sal daar 'n daaglikse skrif, bepeinsing en gebed beskikbaar wees om hierdie reis mee te maak (laai af vanaf www.mosaiek.com/lydenstyd). (Dagstukkies/Oordenkings is sigbaar onder "Nuus" op die 'home'-page en 'lydenstyd' bladsye.)

Jy is ook welkom om van Maandae tot Donderdae om 12:00 'n byeenkoms in die Klipkerk by te woon.

Jy kan ook 'n verskil maak in die lewe van behoeftiges, deur deel te neem aan die People Project (17 Februarie tot 28 Maart 2010) van Missional Expressions; waar jou donasie 'n minder-bevoorregte in die Winter kan help. (sien www.mosaiek.com/people_project)

Van die Heilige Week-aktiwiteite en Paasfest (18 Maart tot 4 April 2010) is reeds oop vir bespreking, en ons hou jou graag ingelig oor beoogde vierings en gedenk-geleenthede in die tyd, by www.mosaiek.com/paasfest.

Jy kan ook meer uitvind oor ons ontwikkelings-inisiatief Origins, waarvan Johan Geyser meer vertel het op 28 Februarie, by www.mosaiek.com/origins.