Comm.Unity

Community balanseer altyd tussen twee pole: afsondering en saamwees. Sonder saamwees word community uit mekaar gemaak; en sonder afsondering verval community tot ‘n massa, ‘n menigte. Afsondering en saamwees is nie wedersyds vyandig nie; inteendeel, dit maak die ander moontlik.

Afsondering sonder saamwees verval in eensaamheid. Ons het sterk word in saamwees nodig om af te kan sonder om eensaam te wees waneer ons alleen is. Allleenwees is neutraal; eensaamheid is allenheid wat van saamwees afgesny is; afsondering is alleenwees wat deur saamwees ondersteun is - ‘n geseënde afsondering.

Saamwees sonder afsonder is nie ware saamwees nie, maar eerder kant-tot-kantwees. Om bloot van kant tot kant te leef bring vervreemding. Ons het tyd en spasie nodig om alleen te wees, om onsself in afsondering te kry, voor ons onsself werklik vir mekaar kan gee in ware saamwees", skryf David Steindl-Rast ( http://www.gratefulness.org/ )

Community is die goddelike saamleef as ‘n gemeenskap en ook die produk daarvan. Dit is belewing van aanvaarding, verhouding, verbondenheid, koinonia en die groei wat dit bring. Community bestaan uit drie dimensies[i]:

• Vertikaal - community is en vorm waar mense wat saamleef in verhoudings en in groepsverband;
• Horisontaal - community is nie net sosiaal saamwees nie, maar geestelik saamwees: saam as kinders van God, saam om in verhouding met God te leef en te groei;
• Temporaal - community vestig oor tyd heen. Soos ons mekaar leer ken, groei community en alles wat dit meebring.
  Community in die gemeente lê op verskillende vlakke en die vlak van community wat 'n persoon beleef is 'n persoonlike keuse. Ons nooi jou om community te kom beleef waar jy gemaklik is of dalk self 'n geleentheid te skep met jou belangstelling, stokperdjie om ander te help om community te beleef.

--------------------------------------------------------------------------------
[i]
Le Roux, Jimi. 2006. Verbintenis II. Journey in Community. Johannesburg: Mosaïek Gemeente